၂၀၂၂ခုနှစ် ကိုရီးယားနိုင်ငံ၏ ဂျီးဘာန်ရွေးကောက်ပွဲရလဒ်ကို လေ့လာခြင်း

ကိုရီးယားနိုင်ငံတွင် ၂၀၂၂ခုနှစ် ဇွန်လ ၁ရက်နေ့တွင် "ဂျီးဘာန် ရွေးကောက်ပွဲ" လို့ခေါ်တဲ့ ပြည်နယ်းမှူးအဆင့်ရှိသောနေရာ ၁၇အတွက်ရွေးကောက်ပွဲ၊ မြို့တော်ဝင်အတွက် ရွေးကောက်ပွဲ၊ လွှတ်လပ်နေသော တောင်ကိုရီးယားလွှတ်တော် ၇ နေရာအတွက် ‌ရွေးကောက်ပွဲနှင့် မြို့နယ်အုပ်ချုပ်ရေမှူး နေရာ ၂၂၆အတွက် ရွေးကောက်ပွဲ ကျင်းပကာ ပြည်သူ့ပါဝါပါတီမှ အပြတ်အသတ်အနိုင်ရရှိခဲ့ပါသည်။ ထို့ကြောင့် ဤဆောင်ပါးတွင် ရွေးကောက်ပွဲ အနိုင်ရရှိနှုန်းနှင့် သုံးသပ်ချက်များကို စုစည်းထားပါသည်။

(က) ပြည်နယ်အုပ်ချုပ်မှူးအဆင့်ရှိတဲ့ နေရာ ၁၇အတွက် ‌ရွေးကောက်ပွဲရလဒ်

            ပြည်နယ်အုပ်ချုပ်မှူးအဆင့်ရှိတဲ့ နေရာ ၁၇တွင် ပြည်သူပါဝါပါတီမှ ၁၂နေရာ အနိုင်ရရှိကာ၊ ဒီမိုကရက်တစ်ပါတီမှ ၅နေရာတွင် အနိုင်ရရှိခဲ့ပါသည်။ ဤရလဒ်သည် ၂၀၁၈ က ဒီမိုကိုကရက်တစ်က ၁၅နေရာနဲ့ နှိုင်းယှဉ်မည်ဆိုပါက ဒီမိုကရက်တစ်၏ အနိုင်ရနှုန်းသည်  ကျဆင်းနေသည်ကို တွေ့ရပါသည်။ ထိုကဲ့သို့သော ရလဒ်ပေါ်ထွက်လာခြင်းသည် ၂၀၂၂ခုနှစ် မတ်လတွင်  ပြုလုပ်သော ကိုရီးယားနိုင်ငံသမ္မတရွေးကောက်ပွဲတွင် ပြည်သူပါဝါပါတီမှ အနိုင်ရရှိသောကြောင့် ဖြစ်သည်ဟု သုံးသပ်ချက်များစွာ ထွက်ပေါ်လျက်ရှိပါသည်။ ၂၀၂၂ခုနှစ် ဂျီးဘာန်ရွေးကောက်ပွဲ၏ ပြိုင်ဆိုင်မူ့ အပြင်ထန်းဆုံးနေရာမှာ ဂျောင်းကီဒိုပြည်နယ်ဖြစ်ပြီး၊ နောက်ဆုံးမိနစ်တွင် ဒီမိုကရက်တစ်ပါတီမှ ကင်ဒူယွမ်က ပြည်သူပါဝါပါတီမှ ကင်အွံန်ဟေးကို ၀.၁၅ရာခိုင်နှုန်းဖြင့် အနိုင်ရရှိခဲ့ပါသည်။ ဤပြည်နယ်သည် ကိုရီယားနိုင်ငံလူဦးရေ၏ လေပုံတစ်ပုံ ရှိရာပြည်နယ်ဖြစ်သောကြောင့်  ဒီမိုကရက်တစ်ပါတီအတွက် နိုင်ငံရေးကစားရာတွင် အဖိုးတန်သောနေရာအဖြစ် ရှိလာနိုင်ကြောင်း သုံးသပ်ချက်သူတွေ ရှိပါသည်။

ပုံ‑၁  မြို့နယ်မှူးအဆင်ရှိသော နေရာ ၁၇ခုနှင့် လစ်ဟာနေသော လွတ်တော်အမတ် (၇) နေရာအတွက် အနိုင်ရရှိသူများ

(ခ) လွတ်လပ်နေသော အမတ် (၇) နေရာအတွက် ရွေးကောက်ပွဲရလဒ်။

ကိုရီးယားနိုင်ငံတွင် လွတ်တော်အမတ် ၃၀၀ ရှိပြီး၊ အကြောင်းအမျိုးမျိုးများကြောာင်း လစ်ဟာသွားသောနေရာများအတွက် ရွေးကောက်ပွဲကို ဂျီးဘာန်ရွေးကောက်ပွဲနဲ့အတူ ကျင်းပသောကြောင့် လေးနှစ်တစ်ခါ ပြလုပ်သော ဂျီးဘာန်ရွေးကောက်ပွဲသည် ကိုရီးယားနိုင်ငံရေး၏ အလှည့်အပြောင်းကို ပေးနိုင်စွမ်းရှိသော ရွေးကောက်ဖြစ်ပါသည်။ ၂၀၂၂ ကြားကာလလွတ်တော်ရွေးကောက်ပွဲတွင် လစ်ဟာနေသော ၇နေရာအတွက်  ပြည်သူပါဝါပါတီမှ (၅)နေရာနှင့် ဒီမိုကရက်တစ်ပါတီမှ (၂) နေရာ အနိူင်ရရှိခဲ့ပါသည်။ ဤ ၂၀၂၂ခုနှစ် ကြားကာလလွတ်တော် ရွေးကောက်ပွဲကို ပြည်သူများ စိတ်ဝင်စားသည့်အချက်မှာ ၂၀၂၂ခုနှစ် မတ်လတွင် ပြုလုပ်သော အကြိမ် ၂၀ ကိုရီးယားသမ္မတရွေးကောက်ပွဲတွင် မဲအနည်းငယ်ဖြင့် အရှုံးပေးသော အီဂျယ်မြောင်က အင်းချွန်းမြို့ ကေရန်းမှာ ဝင်ရောက်အရွေးခံသောကြောင့် ဖြစ်ပါသည်။ ဒီမိုကရက်တစ်ပါတီအတွက် အနိုင်ရယူနိုင်သူစာရင်းတွင်လည်း အီဂျယ်မြောင် ပါဝင်ခြင်းကြောင့်၊ ၎င်းအနိူင်ရရှိမူကို  နိုင်ငံရေးသုံးသပ်သူတစ်ချို့က "နှစ်သိမ့်အနိုင်ရရှိမူ" ဆိုပြီး ဖော်ပြခဲ့ပါသည်။

(ဂ) မြို့နယ်အုပ်ချုပ်ရေးမှူး ရွေးကောက်ပွဲရလဒ်။

နိုင်ငံအတွင်းက အသီးသီးရှိသော မြို့နယ်အုပ်ချုပ်ရေးမူးအတွက် ၂၂၆ နေရာတွင်ရွေးကောက်ပွဲ ကျင်းပရာတွင် ပြည်သူပါဝါပါတီမှ ၁၄၅နေရာ အနိုင်ရရှိကာ၊ ဒီမိုကရက်တစ်ပါတီမှ ၆၃ နေရာနှင့် တစ်ခြားပါတီမှ ၁နေရာ အနိုင်ရရှိခဲ့ပါသည်။ မြို့နယ်အုပ်ချုပ်ရေးမူးနေရာအတွက် ၂၀၁၈ ခုနှစ် ရွေးကောက်ပွဲတွင် ဒီမိုကရက်တစ်ပါတီမှ ၁၅၁ နေရာအနိုင်ရရှိကာ၊ ပြည်သူပါဝါပါတီမှ ၅၃နေရာနှင့် တစ်ခြားပါတီများမှ ၂၂နေရာ အသီးသီး ရရှိခဲ့ပါသည်။ ၂၀၁၄၊ ၂၀၁၈ နှင့် ၂၀၂၀ အုပ်ချုပ်ရေးမှူးရွေးကောက်ပွဲတွင် ပါတီများ အနိုင်ရရှိနှုန်းတွင် ရှင်းရှင်းလင်းလင်း တွေ့မြင်နိုင်တာက ပြည်သူများသည် ပါတီကို အလှည့်အကျပုံစံဖြင့်  မဲပေးနေခြင်းဖြစ်ပါသည်။

ပုံ ၂ ပါတီအလိုက် မဲရရှိမူနှင့် အသက်အရွယ်အလိုက်  ပြည်သူများ မဲပေးနှုန်း

ဆိုလ်းမြို့တော်ဝင်အတွက် ရွေးကောက်ပွဲကျင်းပရာတွင်လည်း ဒီမိုကရက်တစ်ပါတီ၏ ဥက္ကဋ္ဌဟောင် စောင်းရှောင်ကိလ်းသည် ပြည်သူပါဝါပါတီမှ အိုဆယ်ယွန်းကို အရှုံးပေးသောကြောင့် ဆိုလ်းမြို့တော်ဝင်နေရာတွင်လည်း ပြည်သူပါဝါပါတီက အာဏာရှိလာမှာဖြစ်ပါသည်။ ပြည်သူပါဝါပါတီမှ နိုင်ငံတော် သမ္မတဖြစ်လာမူနဲ့ အတူတူ အိုဆယ်ယွန်း၏ အိမ်ခြံမြေအကျိုးဆောင်ဗျူဟာ တစ်ခုဖြစ်တဲ့ Seoul Vision 2030 သည် သူ၏ အနိူင်ရရှိမူ့အတွက် အဓိကအချက်ဖြစ်သည်ဟု သုံးသပ်ချက်များ ထွက်ပေါခဲ့ပါသည်။

သုံးသပ်ချက်

ပါတီနှစ်ခုအကြား မဲရနိုင်မူ့ကို လေ့လာတဲ့အခါတွင် ပထမတစ်ချက်အနေနဲ့ သမ္မတရွေးကောက်ပွဲက မဲရလဒ်အတိုင်း သက်ကြီးရွယ်အိုများနှင့် အမျိုးသားများသည် ပြည်သူပါဝါပါတီကို ပိုမို မဲထည့်ကြောင်းကို ဆင်တူစွာ လေ့လာ တွေ့ရှိရပါသည်။ ဒုတိယချက်တွင် ဂျီးဘာန်းရွေးကောက်ပွဲ သုံးခု (၂၀၁၄၊ ၂၀၁၈၊ ၂၀၂၂) ၏ ပါတီများအနိုင်ရမူ့ကို လေ့လာတဲ့အခါတွင် ရွေးကောက်ပွဲတိုင်းတွင် ပါတီကို ပြောင်းလဲမဲပေးကြသည်ကို တွေ့ရပါသည်။ ဤကဲ့သို့သော ပြောင်းလဲကာ မဲပေးခြင်းသည် ၂၀၂၂ခုနှစ်တွင် သမ္မတရွေးကောက်ပွဲ အနိုင်ရရှိမူနဲ့ ဆက်စပ်မူ့ ရှိနိုင်ကြောင်း သုံးသပ်ချက်ရှိပါသည်။ ရွေးကောက်ပွဲ သုံးခုကို လေ့လာမည်ဆိုပါက ၂၀၁၄တွင် ပြည်သူပါဝါပါတီက ၁၁၇ နေရာ၊ ဒီမိုကရက်တစ်ပါတီမှ ၈၀ နေရာကို  အနိုင်ရခဲ့ပါသည်။

၂၀၁၈ ခုနှစ်မှာ ဒီမိုကရက်တစ်ပါတီမှ ၁၅၁ နေရာ၊ ပြည်သူပါဝါပါတီမှ ၅၃ နေရာ အနိုင်ရခဲ့ပါသည်။ နောက်ဆုံးကျင်းပသော ၂၀၂၂ ခုနှစ် ရွေးကောက်ပွဲတွင်မှာမူ ပြည်သူပါတီက ၁၄၅ နေရာကို အနိုင်ယူနိုင်သောကြောင့် အများဆုံးအနိုင်ရရှိသော ပါတီဖြစ်လာပါသည်။ ထိုကဲ့သော အခြေအနေများကြောင်း ဗဟိုအုပ်ချုပ်ရေးနှင့် ပြည်နယ်အုပ်ချုပ်ရေးတွင် ပြည်သူပါဝါပါတီက စိုးမိုးအုပ်ချုပ်လာနိုင်မှာ ဖြစ်ပါသည်။ ကိုရီးယားလွှတ်တော်တွင်မူ  ဒီမိုကရက်တစ်ပါတီက စိုးမိုးလျက်ရှိသောကြောင့်၊ ၂၀၂၄ မတိုင်ခင်အထိတော့  လွတ်တော်တွင်မူ နှစ်ပါတီအကြား အရေးကြီးအဆိုများအတွက် အပေးအယူ လုပ်ရန် လိုအပ်နိုင်ပါသည်။ 

ဆလိုင်းချန်ဘိခ့်ကျဲအို
အင်းချွန်း၊တောင်ကိုရီးယားနိုင်ငံ
၂၀၂၂ခုနှစ် ဇွန်လ ၇ရက်နေ့

_________The End_____________

References

 

1. BBC. 2022 June 2. 지방선거 결과: 국힘 압승·민주 참패...중앙·지방권력 전면 교체. Published at https://www.bbc.com/korean/news-61670007

2. 한겨레 21. 한눈에 보는 6·1지방선거 결과. Published at https://h21.hani.co.kr/arti/politics/politics_general/52095.html

3. Financial Economy News. http://fnewstv.com/news/newsview.php?ncode=1065595505161422