The Five Regions of Asia- Asia Countries and Regions

Asia cu subregion pa 5 in then a si. Cucu  Western Asia, Southeast Asia, South Asia,  East Asia le Central Asia hna hi an si. Ram then kongkau le a umdan cu atanghlei bantuk hin a si.

1. Western Asia
Western Asia ram chung a ummi ram hna cu; Georgia, Armennia, Azebaijan, Turkey, Cyprus, Syria, Lebanon, Isreal, Palestine, Jordan,Iraq, Iran, Kuwait, Bahrain, Qatar le Saudi Arabia hna hi an si.

Western Asia a umnak cu Central Asia le Africa karlak ah a um i, Nitlak lei Europe hi a taw ah a ummi a si. Hikaa ram hrawng a ummi cu phundang in Middle East ti zong  kawh a si. Hikaa hmunhma hrawng i a ummi milu hi 313.428million an si i, WA a kauh hi 2.415million square miles a si. Western Asia ram cu thetse ram deuh a si nain the Black Sea, Persian Gulf, Arabian Sea tbk, rili ngan pipi a umnak zong a si fawn.

2. Southeast Asia
Southeast Asia ram chung a ummi ram hna cu: Brunei, Cambodia, Indonesia, Laos, Malaysia, Myanmar, Philippines, Singapore, Thailand, Timor Lester, Vietnam, Christmas Island le Cocos Islands hna hi an si.

Southeast Asia cu Australia nitlak lei kam, South of East Asia, lw Pacific Ocean i nitlak lei, Bay of Bengal i nichuah lei kam ah a ummi a si. Southeast Asia cu 1,735,121 square miles akau i, minung 641million leng in umnak a si. Indonesia hi ram nganbik a si i, SEA chung ah G20 a lutmi ram pakhat te a si fawn.

3. South Asia
South Asia chung i a ummi ram hna cu:  Sri Lanka, Bangladesh, India, Afghanistan, Pakistan, Bhutan, Nepal le Maldives hna hi an si.

South Asia cu Indian rili nih tlanglei in a kulh, Bay of Bengal rili nih nichuah lei in a kulh, Arabian Sea nih nitlak lei in a kulhmi a si.  South Asia a kauh hi two million square miles nakin atam i, minung hi 1.74billion nakin an tam. Mah hi zat milu hi vawlei pumpi milu i cheuli cheukhat a si, ti a si. Hikaa hmun hi vawleicung ah milu aa bubik an si, tiah an ti.

4. East Asia
East Asia chung i a ummi ram hna cu: China, Mongolia, North Korea, South Korea, Japan Hongkong, Taiwan le Macau an si.

East Asia cu Central Asia i nichuah lei kap le East China Sea nih a cehmi a si. East Asia a kauh hi 4,571,092 square miles a kau i, milu 1.641 billion an umnak a si. Hi zat milu hi vawlei milu zapi i, 22%  tluk a si. Beijing le Tokyo hi East Asia lakah khua lian, khua ngan taktak khuapi an si. China hi East Asia chung ah ram nganbik a si. East Asia ram hna hi nihin vawleicung ah technologies lei ah min ngei le thiamsangmi ram an si.

5. Central Asia
Central Asia chung i a ummi ram hna cu: Tajikstan, Uzbekistan, Kazakhstan, Turkmenistan le Kyrgyzstan an si.

Central Asia cu China i nitlak lei kam, Russia tlang, Afghannistan i ahnu lei ah a ummi an si. Cental Asia i nitlak lei ahhin Caspian Sea timi tikulh a um. Central Asia ram cu “Stan” in a dongmi ram lawngte an si ca ah cheukhat nih cun “The Stans” an ti hna. 1,545,741 square miles a kau i, minung 69.78 million an umnak hmun a si. Central Asia cu China le Europe lamthluan a si.

Credit: https://www.worldatlas.com/