Chin Political Seminar Avoikhatnak Tluangte in Lim A si.

Chin Political Seminar (Online) a voikhatnak cu July 23, 2021 (Friday) zaan Myanmar caan 7pm - 9pm kar ah thawk a si. Zarh nga chung, cacawn ni nga ni fatin voi 5 tuah a si hnu ah August 20, 2021 (Friday) zaan ah tluang te in lim khawh a si. A donghnak cawnpiak caan ah Chin National Front in General Secretary Pu Salai Thla Hei zong a telpi hna i, biaruahnak nazi pahnih tluk a ngeih hna.

Adonghnak ni, Presentation tuah lio 

Tutan Chin Political Seminar cu ramkhel kong aa pehtlai in cawnnak master level tal a ngeimi Lai mino hna nih hrih hawhnak in tuahmi a si i, A kaimi hi Hakha le Thantlang University Student hruaitu hna le Mino hruaitu hna deuh an si. Zarh nga chung ah ni nga ni fatin tuah a si. A kaimi hi minung 50 rikiah a si i, tuah fatin a kaimi minung 40 in minung 50 cu kan si zungzal.

Chin Political Seminar nih aa timhmi cu Chin mi nih Chin ram le ram komh ram kan sernak ah aherhmi ram khel theih ve ding, Mino hna nih ramkhel theih i ram sernak ah i tel khawh ve ding, Ram rian kong i fian khawhding tbk, a si. Seminar tuahdan cu lecture type in a kal i, minung pakhat nih presentation a tuah hnu ah respondent (Chim chappiaktu) nih caan a lak ve. Cu hnu cun, a ngaitu lei in biahalnak in caan hman a si.

Chin Political Seminar schedule 

Avoi hnihnak Seminar cu a voikhatnak Seminar nakin a ṭha deuh in tuah ṭhan ding kan i tim tiah Chin Political Seminar a hrih hawhtu Mino Upa pakhat nih a chim. Hi Chin Political Seminar ah cawnmi le caan hmannak ngaih than le zoh ṭhan a duhmi an um lai tiah ruah a si ca ah cawnnak video, presentation paper le aherhmi adangdang tete kan rak tar.

Atanglei ahringmi cafang khi hmet law, cawnmi pawl ngaih khawh than a si.

• Chin Political Seminar Files (Voi 1nak in Voi 4nak tiang)
• Chin Political Seminar (Voi 5nak, A donghnak) 
  (Passcode: welovechin1# )