မြန်မာအရေးအတွက် ဂွမ်းဂျူးမြို့သို့ အလည်တစ်ခေါက်

တောင်ကိုရီးယား ဒီမိုကရေစီပြောင်းလဲမူမှာ အဓိက အချက်အချာချနေတဲ့ ဂွမ်းဂျူးမြို့ကို တောင်ကိုရီးယားရောက် မြန်မာအရေးလှုပ်ရှားသော အဖွဲ့အစည်းအသီးသီးမှ ကိုယ်စားလှယ်များက သွားရောက်လည်ပတ်ခဲ့ပါတယ်။

1. ပထမဆုံးအခမ်းအနားမှာ ဂွမ်းဂျူး မေ ၁၈ (5.18) ဒီမိုကရေစီအဆောက်အအုံကြီးမှာ ဂွမ်းဂျူးမြို့တော်ဝင်နှင့် ဂွမ်းဂျူးနိုင်ငံရေးသမားများနဲ့ တွေ့ဆုံခဲ့ပါသည်။ မြို့တော်ဝင်က "မြန်မာနိုင်ငံသားတွေနဲ့ အတူတူရှိနေကြောင်း၊ ယခုမြန်မာ့နိုင်ငံရေးပြသနာမှာလည်း လုံးဝနောက်မဆုတ်ပဲ ၁၉၈၀ မေလက ဂွမ်းဂျူးလိုမျိုး စစ်အာဏာရှင်ကို တိုက်သင့်ကြောင်း၊ ၁၉၈၀မှာဆိုရင် ဂွမ်းဂျူးမြို့မှာ စစ်အာဏာရှင် ချွန်းထူးဝမ်းက အာဇာနည် အယောက် ၁၅၀+ ကိုသတ်ခဲ့ကြောင်း၊ သူတို့တွေရဲ့ ကျေးဇူးတော်ကြောင့် ဒီနေ့လို ကိုရီးယားနိုင်ငံတော်ကြီး ဖြစ်လာရတဲ့အကြောင်းတွေ ပြောပြခဲ့ပါတယ်။ ကျွန်တော်တို့အဖွဲ့အစည်းအသီးသီးကိုယ်စား ကိုရန်နိုင်ထွန်းက လက်ရှိနိုင်ငံရေးအခြေအနေများနဲ့ ရပ်တည်ချက်များကို တင်ပြခဲ့ပါတယ်။
   
   
2. ဒုတိယပိုင်းအနေနဲ့ ဂွမ်းဂျူးရောက် စစ်အာဏာရှင်ဆန့်ကျင်ရေး အဖွဲ့အစည်းတစ်ခုဖြစ်တဲ့ ( Gwuangju Myanmar Network) နှင့် ဆိုလ်းကနေလာတဲ့ အဖွဲ့အစည်းအသီးသီးများ တွေ့ဆုံပြီး သတင်းစာရှင်းလင်းပွဲအတွက် လိုအပ်တာများကို ဆွေးနွေးဆုံးဖြတ်ချက်ချခဲ့ပါတယ်။
   
   
3. တတိယပိုင်းအနေနဲ့ သတင်းစာရှင်းလင်းပွဲကို ကျင်းပခဲ့ကြပါတယ်။ သတင်းစာရှင်းလင်းပွဲ မီဒီယာသမား အယောက် ၂၀နီးပါးတက်ရောက်ခဲ့ကြပါတယ်။
   
   
4. စတုတ္ထပိုင်းအနေနဲ့ ဂွမ်းဂျူးဒီမိုကရေစီခန်းမကြီးကို လေ့လာကြည့်ရူခဲ့ကြပါတယ်။
   
   
5. ပဉ္စမပိုင်းမှာတော့ ဂွမ်းဂျူးဒီမိုကရေစီခန်းမရှေ့မှာ ဂွမ်းဂျူးမြို့သူမြို့သားများနဲ့တကွ၊ မြန်မာ့အဖွဲ့အစည်းအသီးသီးမှ ကိုယ်စားလှယ်များက (၂)နာရီကြာ မအလ ဆန့်ကျင် ဆန္ဒထုတ်ဖော်ပြသခဲ့ပါတယ်။ ဒီဆန္ဒပြပွဲဆိုရင် မီဒီယာသမား ဦးရေ ၃၀ လောက်ထိ တက်ရောက်နေကြပါတယ်။ ကဗျာဖတ်တာ၊ သီချင်းဆိုတာ၊ Slogan အော်တာ၊ သံပုံးတီးတာ၊ Drama ပြတာ၊ မြန်မာအရေးတင်ပြတာနဲ့ တခြားလှုပ်ရှားမူများကို လုပ်ကြပါတယ်။
   
   
6. နောက်ဆုံးအနေနဲ့ ၁၉၈၀ခုနှစ်မှာ ကျဆုံးသွားသော ဂွမ်းဂျူး အာဇာနည် သီချိုင်းကုန်းကို သွားရောက်ခဲ့ပါတယ်။ နိုင်ငံတော်အတွက် အသက်ပေးကြသောသူများအကြောင်းကို လေ့လာခဲ့ကြပါတယ်။ ၁၉၈၀က အသက်ပေးကြသော အာဇာနည်များဟာ ၁၅နှစ်-၃၀ နှစ်အကြား လူငယ်များ ပါဝင်ကြတာကို တွေ့ရပါတယ်။
   
   
   
   
   
   

ဂွမ်းဂျူး ကျေးဇူးတင်ပါတယ်။