Theocracy Ukning Zoh T'inak

Theocracy timi cu democracy a si lomi ukphung pakhat a si. Hi ukphung cu biaknak phung pakhat char in uk kha a si. Fiang deuh in kan chim ahcun Muslim biaknak phung hmang in aa ukmi le Khrihfa phung hmang in aa ukmi bantuk kha an si. Pathian/pathian nih a ukmi ram ti zong phundang in an kawh. Aruang cu biaknak kip ah asangbik cu biakmi pathian/Pathian kha a si ca ah a si. Biaknak phung hram bunh in aa ukmi ram hna kong cu atanglei bantuk in kan zoh ta hna lai.

Iran: 1979 kum Iran ah cozah thlaknak dothlennak a um. Cozah an thlak hnu ah biaknak hruaitu Ayatollah Khomeini nih cozah thar a hruai. Khomeini nih Islam phung nih Iran cozah cu a ser ca ah hi lio Iran cozah cu "Islam cozah" ti zong in an rak tinak kha a si. Ram pakhat i nge thum a simi phungsertu, uktu le tazazi vialte kha biaknak upa nih an tlaih dih. Hi ruang ah ram pumpi President cu biaknak upa nakin a niam deuh.

Afghanistan: 1996 in 2001 tiang Afghanistan cu biaknak phung in aa rak i hruaimi ram a rak si. Constitution le bylaw's ti bantuk an rak tuah lo. Tazazi kong cu khua le sang i biaknak upa nih Islam upadi ning in bia an rak chah. 

Saudi Arabia: Saudi ram hi Siangpahrang ukning le biaknak hram bunh ukning phung pahnih an fonh i ukmi ram a si. An ram politics nawl ngeihnak cu family nih a tlaih. Siangpahrang cu biaknak hruaitu upa a si. Tazazi kong vialte cu Islam upadi ning in tuah a si.

Hi ram pathum hi kan zoh ahcun Saudi Arabia hi ram tha bik a si. Ram rum pakhat a sinak cu kokek ruang zong ah a si khomi a si bantuk in ukning ruang zong ah a si kho ve. Ukning lawng that i kokek ngeih lo ahcun nihin dirhmun an phak khawh lai lo bantuk in, kokek lawng tha in ukning rak tha hlah sehlaw nihin bantuk an phan kho thiam lai lo. Democracy a duhmi ram hna nih Saudi tazazi cu an sawi ngai. Minung pakhat nih Islam biaknak biak lawng, Islam phung lawng ti a si ca ah nuhrin covo lei rian tuanmi tampi nih an sawinak hi a si. 

___

6/1/2020