Yoshida Tlaihtleng

Yoshida Doctorine cu ralpi 2 hnu in Japan Prime Minister Yoshida Shegeru nih Japan ram economic thancho ding he pehtlai in a chuahmi tlaihtleng a si. Hi lio caan cu international politics le ram chung security kong ah US he an um tti lio caan a si ca ah Japan cu hna ngam te in an um caan kha a si i, tlaihtleng nih aa timhbik mi cu "Economic lei thancho i, ram pumpi resource tampi chuahternak ca ah well trained worker pawl kha support tuah a si. Hi Doctrine cu ram chung lawng si lo in foreign policy tiang in a karh.

Backgroud:

Japan hi ralpi 2 nak an sung nain an ram cozah a rawk lo. 1946 ah election an tuah. Hi tan election hi Japan nu pawl ahmasabik vote an pek khawh caan a si. Yoshida Shegeru nih teinak a hmuh ca ah Prime minister a hun ttuan. Amah a kai tlawmpal bak ah an ram hmannmi "Meiji Constitution" cu an uar lo chin duahmah ca ah SCAP timi constitution zohchungtu phu an rak ser. November 1946 ah Constitution thar cu phungning in an cohlan i, 1947 may thla thawk in an hman i nihin tiang an hman beh. Hi Constitution i a biapi bik cu article 9 i a ummi hi a si. Cucu " The japanese people forever renounce war as a sovereign right of nation" ti a si. Article 9 ruang ahhin Japan ram nih security kong nakin a ram i economic lei thancho ding hi aa zuam deuh (Hi lio caan cu Military ca ah GDP 1% lonh lo ding dan rak tat lio kha a si).  Hi bantuk sullam cu Japan nih US kha aa hngat ngaingai timi sullam a rak si. International politics issues le security kong ahcun US nih cover a rak tuah dih lawng si lo in trade an tuahmi hrim ah Japan i top export cu US hi arak si. 

Yoshida nih arak timh bikmi cu ral ruang i a rak tla mi sipuazi kai ter tthan i, Japan kha vawleicung ah tthawn tthan ding ti a rak si.  Amah kut tang ah Japan cu international level in a lian ngan i, vawleicung sipuazi tthabik ram 2nak tiang a rak si (China nih ahnu ah a chuh). Yoshida doctrince cu ralkap thazaang nakin sipuai zi kha pepek deuhmi a si.

_____

Sources:

1. Chansoria, Monika. "Relevance of the Yoshida Doctrine in Current U.S.-Japan Ties." Japan Today. GPlusMedia, 13 May 2014. Web.
2. Holcombe, C. (2011). A History of East Asia: From the origins of civilization to the twenty-first century (pp. 277-286). New York: Cambridge University Press.
3. Potter, David M. "Evolution of Japan's Postwar Foreign Policy." Nanzan University, 2008. Web. http://office.nanzan-u.ac.jp/cie/gaiyo/kiyo/pdf_09/kenkyu_03.pdf>.
4. Shigeru, Yoshida and Hiroshi Nara. (2007). Shigeru: Last Meiji Man. Lanham, Maryland: Rowman & Littlefield. ISBN 978-0-742-53932-7 ISBN 978-0-742-53933-4; OCLC 238440967
5. Potter, David M. "Evolution of Japan's Postwar Foreign Policy." Nanzan University, 2008. Web. http://office.nanzan-u.ac.jp/cie/gaiyo/kiyo/pdf_09/kenkyu_03.pdf>.
6. McGrew, Anthony and Christopher Book. (1998) Asia-Pacific in the New World Order. London: Routledge. ISBN 978-0-415-17272-1; OCLC 60184921
7. Shigeru, Yoshida and Hiroshi Nara. (2007). Shigeru: Last Meiji Man. Lanham, Maryland: Rowman & Littlefield. ISBN 978-0-742-53932-7;