2017 S.Korea President Aa Cuhmi Pawl Kong Tawi

S.Korea sersiamnak ah philh khawh lomi President hlun cu Park Chung He (1961-1979) asi. Park nih arak i tlaihmi cu “Ram sifak nih democracy kan i tlak lo, hruaitu t`ha tu kan herh ,” ti arak si. Cu pa ruang ah S.Korea hi tam tuk te a thleng tiah zumh asi. Cu Pa cu nai ah S.Korea President Inn ( Blue house ) in an dawimi a voi 11nak S.Korea President Park Guen-Hye i a pa kha asi. Park Geun-Hye cu ahmasabik nu President arak si na in, rammi nih a rian `uanning an lung a tling ti lo ca ah an rak au hnawh i, President inn in an chuah leng ah atu cu thonginn ah an khumh cang. Amah aiawh President ( Acting President) cu 2016 December 9 thok in Hwang Kyo-ahn an timi pa nih a hun chaan chung. Cu ti President an dawi le thong an thlak ruang ah S.Korea cu mipi nih thim taktakmi President an ngei ti lo ca ah tukum kumdongh lei ah tuahding President election cu ahmai ah an dawh i May 9 (ni hnih ni ), 2017 ah an tuah cang lai. Cu i aa cuhding hi minung 5 an si hna i, cu hna kong cu tlawmpal kan i ruah hna lai.

Hong Jun-pyo,Anh Cheol Soo,Yon Seong Mim , Sim Sang Jung,Moon Jae-in (L-R)

Moon Jae-in ( Minjoo Party of Korea)

1953, January 24 (kum 63) ah Geoje, S.Korea ah arak chuak. Kyung Hee University in Law ( LL.B.) arak kaimi asi. Sianginn arak kai lio ah Yunshin Constitution  duh lonak an rak chim rel ruang ah an rak phuah bal. Cu dih ah ralkap ( sit muh than) ah arak kal. Ralkap in a chuah hnu ah Bar Exam timi arak aung. Cu dih cun sianginn zong arak aung leng ah a rak i timhmi lawyer zong arak `uan. Lawyer arak `uan dih in 2009kum ah amah te in arak i thatmi S.Korea President hlun Roh Moo Hyun he rian an rak `uan ti. Moon hi nuhrin covo kong ah arak cawlcang ngaimi pakhat asi leng ah 2012 Democratic United Party nih S.Korea President ca ah an rak chuahpi nain Park Guen-Hye nih 2.6% in arak tei ca ah S.Korea President arak `ling lo. Hi lio ah Park Guen-Hye nih vote 51.6% arak hmu i, a nih hi 48.0% arak hmu ve. Cu dih cun Democratic Party of Korea in 2016 January 27 ah aa din. Tutan cu Minjoo party in President aa zuam lai. Amah hi S.Korea President ca ah an zumh ngaimi pakhat asi fawn.

Hong Jun-pyo ( Liberty Korea Party)         
1954 December 5 ( kum 62) ah Changnyeong, S.Korea arak chuak . Korea University ah Public Administration arak kai balmi pa arak si. Amah hi anmah Party chung thimnak ah adang pawl foi tuk in (62.9%) ateitu asi leng ah a ruahnak hi conservative ngaimi pakhat asi. Amah hi mi ral`ha asi. Kum 2011 ah khan Seoul khua bawi (mayor) cu ramdang phaisa kuat kong ah arak soisel. Naite i President hlun Park kong zong ah fak ngai in a cawlmi asi. LGBT (Lesbian, gay, bisexual, and transgender ) a pom bak lomi asi. Anih hi upa deuh uar phun ngai cu asi.

Ahn Cheol-soo ( People’s Party)
1962 February 26 (kum 55) ah Miryang, Tlanglei Gyeongsang Provine ah arak chuakmi asi. Amah hi tutan S.Korea President aa zuammi lak ahcun fim thiamnak sang a ngeimi asi. Korea i asangbik Sianghleirun Seoul National University le US ummi Unversity of Pennsylvania chuak asi. Professor, Physician le Software entrepreneur zong asi chih.  Kum 2011 lio Seoul khua bawi ( mayor) rak thim lio arak i cuhnak in ramkhel rian lei ah a petmi pa asi. 2012 President thiamnak ah arak active ngaingai leng ah 2013 by elction ah a rak cuh i National Assembly ah hmunhma a hmu vemi asi. Atu cu 2017 President thimnak ah People’s Party nih 72.72% in an chuahpi. Ahn hi atulio an buai ngaimi THAAD a duh lo ngaimi asi. Amah hi President ahun si ahcun America he pehtlaihnak hi zei maw zat cu a rawk lai tiah an ruah. Mino nih cun a thiamnak le aruahnak hi an uar ngai.

Yon Seong-Min  ( Bareun Party)

1958 January 7 (kum 59) ah Daegu Dong B ah arak chuak. Chawlet-chawhrawl le ramkhel rian lei ah thiamnak a ngeimi asi leng ah Seoul National University le University of Wisconsinmadison in a chuakmi asi. University of Wisconsin-Madison in Ph.D (Economics) arak hmumi  asi leng ah Korea Development Institue timi ah 1987 in 2000 ah rian arak `uanmi asi. 2004 thok in National Assembly member arak si bal fawn. Park Geun-hye chan ah bochan atlak ngaimi arak si leng ah Lee Myung-bak zong nih arak uar ngaimi asi. Deagu in voithum MP ca ah an rak thim cang, i tuan deuh ahcun Park Guen-Hye te party arak si ko nain Park rian`uan ning arak pom khawh lo ca ah Bareun Party an rak dirh i, tutan cu mah party in President hi aa cuh lai ti, asi. A campaign ah achim bikmi cu ram kilvennak le ram chawlet chawhrawl kong hi asi bik. Anih i a khuaruahning hi cheuning cun a conservative ngai tiah an ti.

Sim Sang-jung ( Justice Party)

1959, February 20 (58) ah Paju ah arak chuakmi asi. Tutan hi voi 5nak President aa cuhmi asi lai. Atu lio National Assembly chungtel asi fawn. Seoul National University in BA arak hmumi asi. Kum 21 arak si lo cassettle tape sehzung in arak chuakmi buaihnak kong i arak chuak chinmi nihlawh kong ah arak cawlcangh ca ah 1985 hrawng ah cozah nih tlaih an rak duh ngaimi nu pakhat asi. National Assembly ah voithum tiang member arak si khomi asi ca ah korea ramkhel kalning cu a khuk thal a let khotu asi lai tiah, an zumh.S.Korea tuanbia ah an rak hmanmi thanchonak theory chaebols reform aduh tu asi. Amah cu President candicates vialte lakah LGBT a pommi asi. THAAD nih that lonak a kan pe lai lo tiah a ruattu zong asi fawn. Amah cu an party nih 80.7% in an chuakpi asi ve.